بِسۡمِ ٱللهِ ٱلرَّحۡمَـٰنِ ٱلرَّحِيمِ
قُل لَّن يُصِيبَنَآ إِلَّا مَا ڪَتَبَ ٱللَّهُ لَنَا هُوَ مَوۡلَٮٰنَاۚ وَعَلَى ٱللَّهِ فَلۡيَتَوَڪَّلِ ٱلۡمُؤۡمِنُون
Caita Pasal Blog Anie
Assalamualaikum wbt dan Salam Muhibbah. Blog "Simply Kedayan" anie walaupun namanya dalam bahasa oang putih uja dangan, tapi ia tatap oang Kadayan yang umpunya. Anie tah nganya mangkali blog di dalam cyberspace yang 100% Kadayan. Blog anie akan manggunakan dialek Kadayan Sabah, yang inda jua hantap lain daie dialek Kadayan Saawak dian Boonai. Tutuan Kadayan anie mana saja aah kita asasnya tatap sama, cuma yang lain mangkali ampasnya nganya uja dangan. Daiepada e-mail-e-mail yang ku taima daie Saawak dian Boonai, tutuan Kadayan bisia pun sama jua upanya.
Macam di kampung kami pun macam atu, tutuan oang Kadayan Masapol dian oang Kadayan Hulu Sipitang daie sagi ampasnya inda sama, macam atu jua Kadayan Pantai, Sindumin dian Lawas ampas tutuan bisia inda baapa sama. Tapi yang tahu oang Kadayan jua nganya, amun oang Dusun yang ndangaa, mangkali sama tia nganya pandangaan bisia.
Bila malihat gambaa pasiee yang ditampal diatas atu, takanang diee kan Kg Pilakat aie diee damit mulanya. Kg Pilakat anie kampung oang Kadayan di Daerah Sipitang. Aie diee damit mulanya salajoo diee ka laut di Kg Palakat mancahaie kan lauk uja dangan. Nyuluh katam suie, mukat, nahan jaul, malokan, nuba limpaku dan bamacam-macam taya mancahaie siput dian takuyung yang dapat dimakan uja dangan. Kala-kala mahunja taloo panyu, amun taluus aie musim panyu bataloo dapat jua bapuluh bigi. Tapi anie caita tahun 60an, kaang ani jaang tia panyu naik ka tambing, pasiee pun hantap cabulnya tia, panyu pun takut kan naik.
Tujuan blog anie ku buat ialah aah kan badudun uja dangan. Amun aie inda baapa gagau atu, kan nyanang-nyanang akan hati duduni tia blog anie. Kandungan nya inda jua hantap baat-baat, yang sadang-sadang nganya. Bila ada pambaca yang kan ngantat artikel, gambaa, muzik atau apa-apa saja taya, padah akan aah ku malalui e-mail atau pun Kotak Komen yang diee sadia akan di bawah anie.
Bila ada tutuan diee anie yang inda luus bunyinya, padah-padah akan jua. Tahu-tahu tah saja diee anie sudah labih 35 tahun ninggal akan kampung Kadayan, di umah pun jaang-jaang batutuan Kadayan, amun mulih ka Kampung atau bajumpa dian paadian-paadian bahaau tah ulah batutuan Kadayan. Tapi tutuan diee atu inda ya kalupahan. Mana saja aah diee uja dangan, amun sudah Kadayan atu tatap jua Kadayan......A.S. Kasah
